旅行後減磅SOS

好多朋友去完旅行番黎發現重咗😨，究竟可以點控制番體重? 首先，很多時重咗係因外出飲食攝取太高鹽份導致肥腫難分。要即刻改善，可以試下幾點:

1. 戒掉外出湯水🍲，因為經常落味精、鹽、茄膏或高鹽份材料如鴨腎、金華火煺

2. 每日「2+3」- 即最少2 份水果🍎和最少3 份蔬菜🥦。蔬果含豐富鉀質能改善水腫，也有纖維量去改善因食少咗蔬菜、趕時間、作息不定而導致的便秘。

3. 旅行後盡量自家煮食🍳，較容易控制油、鹽、糖份量。如外出膳食，可選較低熱量選擇，如壽司、三文治、鷄絲湯檬、白切鷄飯等。

4. 每餐進食時間至少有20-30分鐘⏰，能增加飽肚感訊息，避免進食過量。

5. 開始運動🚴🏻‍! 例如平日多行樓梯、多走動、家中也可試做網上跳舞video等。

時不宜遲，要同惰性講bye bye 先可以快速回復完美體態，迎接下個旅行！
*一份水果 = 一個蘋果、橙、半隻香蕉 一份蔬菜 = 一碗未經煮熟蔬菜，如生菜、車厘茄、青瓜或半碗煮熟的蔬菜、芽菜、瓜類、菇類或豆類