Lovini.com
營養師教路：10大醒目補腦食材🧠 迎接番工番學日子
8 月
疫情開始回落，唔少人都開始恢復番工生活👩🏻💻，而小朋友👧🏻👦🏻亦放完暑假陸續開始Online 上堂。既然要準備番工番學，當然要好好補腦，以最Sharp醒狀態示人喇🤩! 註冊營養師陳玉儀特別推介以下十款健康補腦食材，各位不妨整比自己同小朋友試試，一齊好好補補腦!
🐟三文魚
🐟吞拿魚
吞拿魚屬於深海魚嘅一種，含有Omega3脂肪酸(包括EPA及DHA)，係腦部細胞嘅重要成分，可減慢記憶力衰退。每100克嘅深海魚就含1克以上Omega-3👍🏻，屬於優質Omega3來源。除咗三文魚同吞拿魚，大家都可以食沙甸魚去補充Omega-3。
核桃🥜
唔鐘意食魚嘅朋友可以試吓食核桃。核桃係唯一含有大量α-亞麻酸(ALA) 嘅堅果。而α-亞麻酸係一種植物性奧米加3不飽和脂肪酸，含有豐富抗氧化物、多種維他命與礦物質，對保護心臟同腦部健康都有益處。各位不妨得閒時食吓核桃去代替其他高熱量零食，又好味又有益，最重要係可以提升記憶力等腦部認知功能!
杏仁🥜
杏仁嘅維他命E含量特別高。我地每日大概需要15毫克維他命E，食一安士嘅杏仁已經佔日常建議攝取量嘅一半。加上杏仁可幫助生產神經傳導物質🧬，所以對維持腦部健康非常有幫助。大家忙碌工作上堂嘅同時，都可以食幾粒杏仁幫助動動腦，轉轉彎!
菠菜🥬
菠菜含有豐富營養素同葉酸，不但有助人體產生快樂荷爾蒙多巴胺😄，而且有大量維生素C、E、β蘿蔔素等抗氧化物質，可以保護腦細胞不受自由基嘅有害物質損害。有研究認為，菠菜可幫助減壓同放鬆大腦，令人保持冷靜及幫助維持大腦嘅年輕活力。建議各位不妨在餸菜中加添菠菜，可以緩和日常工作同讀書壓力，保持心境愉快😃。
西蘭花🥦
西蘭花內富含硫辛酸(ALA)，可以跨越腦部非常幼細的血管和細胞壁而直達腦部。而且西蘭花嘅高抗氧化能力可以破壞自由基，從而保護腦部和腦部神經組織🛡️，可以幫助防止腦部退化和功能障礙問題。因此非常適合鬱悶咗係屋企太耐而導致腦閉塞嘅各位!
藍莓😋
有研究曾發現，藍莓含有大量花青素，能夠保護人體免受自由基有害物質嘅損傷，成為保護腦細胞嘅一道屏障，可預防阿爾茨海默症。另外花青素亦可以促進視網膜細胞中嘅自知再生，可達到預防近視同增進視力嘅效果👁️。而且顏色愈鮮豔嘅莓類，營養價值愈高💯。
車厘子🍒
車厘子含有豐富嘅抗氧化物，除咗可以改善記憶力，仲對心臟健康好有益。當中更含花青素及胡蘿蔔素🥕。花青素除咗有抗氧化、延緩腦神經衰老、活化腦力同增強記憶力嘅能力，仲可以消除眼睛疲勞及增強視力。而胡蘿蔔素則能預防夜盲症同黃斑病變，對維持夜間視力特別有幫助。疫情底下個個都要對住電腦開會上堂，所以記得食多啲藍莓同車厘子，補腦之餘又可以補眼，確實係一舉兩得✌🏻。
葵花籽🌻 🌱
人體需要維他命E去幫助抑制自由基嘅破壞。維他命E仲可以增強免疫系統、保護大腦神經元免受氧化危害同保持記憶力。而葵花籽含有豐富維他命E，食四分之一杯就可以攝取每人每日所需之90.5%。其它生種子如南瓜籽🎃、芝麻籽亦含有豐富嘅維他命E，但葵花籽嘅營養素為當中最高🔝。所以大家開始恢復正常生活嘅同時，都要記得增強免疫力呀!
蛋黃🍳
蛋黃中富含卵磷脂，係人體合成乙醯膽鹼嘅主要原料，有助製造負責記憶力嘅神經傳導物質🧬，從而提高記憶力同集中注意力。雞蛋亦含豐富嘅維生素A、E、B6、B12、葉酸及鋅等嘅營養素，對活化腦力非常重要。所以想食得營養啲，順便補補腦嘅話就唔好剩係食蛋白喇!