【失眠點算好?種食物幫你對付失眠之夜】 / Lovini.com / By 心然營養 成日都好攰,但番到屋企偏偏眼光光訓唔著?明明好早就訓著,但訓極都好攰,朝早起身都好無精神?咁點算好呀?要搵到解決方法,首先要認清自己係邊一類失眠根據美國精神病學協會,失眠被定義為無法入睡或難以入睡嘅疾病,通常會同時符合以下兩個條件: 持續至少三個月,每周至少三晚出現睡眠困難 睡眠困難對患者生活造成重大困擾或功能障礙 而失眠其實都分為種。第一種係短期失眠或急性失眠,可能由下列原因引致,包括: 壓力 沮喪或創傷事件 改變睡眠習慣,例如在酒店或新環境睡覺 生理上的痛苦 時差 光線和嘈音污染 某些藥物 而另一種就係慢性失眠,通常持續至少3個月,可以分為原發性或繼發性。 原發性失眠由不明原因引致,而繼發性失眠可能由下列原因引致,包括: 難以入睡的健康問題,例如關節炎或背痛 心理問題,例如焦慮或抑鬱 濫用藥物 睡眠窒息症 糖尿病 咁可以點對付失眠呢?其實改善失眠有好多方法,當中包括係日常生活中多進食具有促進睡眠功效嘅食品或飲料!就等我地推薦以下三款食品,改善失眠之餘仲可以同時令你朝早起身活力滿滿添! 油脂豐富的魚類 三文魚、吞拿魚、金槍魚、鱒魚和鯖魚等魚類含豐富維他命D同奧米加3脂肪酸。有研究曾指出,奧米加脂肪酸同維他命D兩者均可以增加5-羥色胺的產生。而5-羥色胺則是一種有助於調節睡眠週期的大腦化學物質。所以奧米加脂肪酸再加上維他命D亦可稱為改善睡眠質素嘅黃金組合! 杏仁 杏仁含有豐富褪黑激素,可有助調節人體生理時鐘,並發出信號通知身體為睡眠做準備。此外,杏仁亦含豐富鎂質,可有助於降低影響睡眠質素的皮質醇水平。 火雞 火雞含有氨基酸色氨酸,可以增加產生褪黑激素,可以幫助您更快入睡或延長睡眠時間從而改善睡眠質素。 但其實除咗日常生活中食多啲以上幾款食物之外,最緊要都係維持早睡早起嘅習慣同保持身心健康!咁先可以對付失眠同改善睡眠質素架!